Ongietorri

Donostiarekiko kezka sakonetik jaiotzen da Guneak Zabaltzen ekimena, Donostia bait da bizi garen tokia. Gure hiria erabat eraldatzen ari diren aldaketak ikusten ari gara, eta aldaketa hauek gero eta azkarragoak dira. Ezinegon eta ardura hauetatik abiatuta, topatzea proposatzen dugu bizi garen hiria elkarrekin sortu eta hobetzeko ideiak partekatu, hausnartu eta horiek martxan jartzeko.

BIZITZAREN JASANGARRITASUNA DONOSTIAN da 2018-2019ko gaia.

HEMEN 2018-2019 GZ3 proiektu osoko txostena txostena aurkituko duzu.

HBET azkenaHiri Baratze Ekologikoa INFO jpeg

Panel 1

PROGRAMA

kartela-programa-gz-rgb-2

Urtarrilak 24 osteguna

18:00 – 20:30 OKENDOKO KULTUR-ETXEA

Bizitza erdigunean jartzen duen elkar-lan saioa

Zer esan nahi du bizitzaren jasangarritasuna? Zertaz ari gara?

Bizitzaren jasangarritasuna kontzeptuaren oinarri teorikoak azalduko dira laburki; zer da ekofeminismoa, ekonomia feminista eta bizitza erdigunean jartzearen teaoria. Aurkezpen hau eta gero talde-hausnarketara bideratutako world-kafe dinamikan parte hartzeko aukera egongo da.

Izena eman hemen!

Urtarrilak 31 osteguna

18:00 – 20:30 OKENDOKO KULTUR-ETXEA

Bizitza erdigunean jartzen duen elkar-lan saioa

Donostian bizitzaren jasangarritasunaren alor edota behar zehatzetan lan egiten duten proiektu edota ekimenen aurkezpena. Saioaren helburua bikoitza da, alde batetik proiektu hauek ezagutzera ematea eta bestetik, bertan egongo direnen arteko konexioa eta elkar-lana erreztea.

Izena eman hemen!

Otsailak 2 larunbata

10:00 – 18:00 CRISTINA ENEAKO INGURUMEN BALIABIDEEN ETXEA

Saretu eta sinergiak aurkitzeko topaketa ireki parte-hartzailea

Donostia Jasangarria? Nola batu indarrak Donostian Bizitza Jasangarria bermatzen eraginkorragoak izateko? Nola bermatu dezakegu Donostian oinarrizko beharrak? Ze jende ari da ahalegin horretan eta nola piztu eta hobetu dezakegu elkar-lana?

Horrelako zalantza, kezka, erronka eta ametsak buruan, eta elkarrenganatze hutsaren magian sinestuta, topatzeko gonbite hau: otsailaren 2an, Kristina Enean hitzordu polita. Egun osoan zehar aukera izango dugu gaioi buruzko ekintzarako. Batzar irekia dugu eta bertara bilduko garenon gain izango da bertan gertatuko dana. Baietz sorpresa ederren bat ere!
Zeu ere gonbidatuta. Bazatoz?

Bazkaria: bertan emango da, aldez aurretik izena eman hori antolatzeko.
Hizkuntzak: euskaratik abiatuta beste hizkuntzetarako interpreteak, autoeratuta.
Batzar mota: gune irekia (open space).
Hasieran bertaratuok nahi ditugun gaiak proposatu ahalko ditugu eta
gai bakoitzak bere gunea izango du.
Sartu eta irten egunean zehar, lasai-lasai, gogoaren eta premien arabera.

Info+: guneak.zabaltzen@gmail.com 638.733.223

Guneak Zabaltzen / ********/ Gune Irekiaren Lagunak

Izena eman, formulario hau beteta.

Otsaila, Martxoa… PROIEKTUEN BIDELAGUNTZA

Topaketan sortutako ekimen-proposamenen artean, horien lehenengo pausuak bermatzeko, hiru ekimenei bidelaguntza eskeiniko diegu.

 

BESTELAKOAK

Auto-antolatutako itzulpena

Bereziki horretarako etorriko diren bolondresei esker eta gune irekiko parte hartzaileei esker, euskeraren erabilera eta pertsona guztien ulermena zainduko dugu.

Haurren zaintza

Topaketarako aldez aurretik izena ematerakoan haurren zaintza eskatu denez, antolatu dugu. Txikiak zainduko dituzten pertsonei esker, beraien guraso edo arduradunek eztabaidetan parte hartu ahalko dute.

Irisgarritasuna

Okendo kultur etxeak eta Cristina Eneako ingurumen baliabideen etxeak gurpildun ahulkietan doazen pertsonentzako sarrera egokiak dauzkate.

 

Panel 2

Topaketaren metodoa

Aurrekoetan gune irekia erabili genuen metodo bezela (Open Space Technology). Talde-antolaketa burujabean oinarritzen da eta eguneko programa partaideen interesen arabera osatzen da.

Aurten, gune irekia Otsailak 2an ospatuko dugu ere. Eta Urtarrileko bi ostegunetan, 24 eta 31ean arratsaldez, bizitza erdigunean jartzen duten elkarlan saio irekiak ospatuko ditugu. Saio hauek helburu bikoitza daukate: bizitzaren jasangarritasunean ari diren ekimenak ezagutzera ematea alde batetik, eta eragile hauek topatu edota elkar ezagutzea bestetik.

Gune irekiaren metodologiari buruz gehiago jakin nahi baduzu, lotura hauetan informazio gehiago aurkituko duzu.

GUNE IREKIA:

LAU OINARRIAK

  • Etortzen den oro, pertsona egokia da.
  • Gertatzen dena, gertatu zitekeena da.
  • Hasten den ordua, hasteko ordu egokia da.
  • Amaitzen denean, amaitu da.

LEGE BAT: Bi Oinetako Legea

Elkarrekin gauden denbora honetan, ez bazaude ikasten edota ekarpenak egiten, erabili zure bi oinak eta beste toki emankorrago batera joan zaitez.

ROLAK: Tximeletak eta Erleak

Erleek bi oinen legea oso serioski hartzen dute eta bileratik bilerara dabiltza, beraien mugikortasun gaitasuna erabiliz. Erleen ekarpena nabarmena eta zuzena da. Naturan bezela, polinizatu egiten dute eta elkarrizketetara aberastasuna eta dibertsitatea ekartzen dute.

Tximeletak berriz ia ez dute bileretan parte hartzen. Zaila da beraien ekarpenik identifikatzea. Ia ez dute ezer egiten, eta hor datza beraien ekarpena. Ekintza-gabeko guneak sortzen dituzte, non isiltasuna gozatu dezakegun edota aztertu gabeko gai bat agertu daitekeen. Horrelakorik gertatzen denean ia beti zerbait esanguratsua izaten da.

Panel 3

Harremana

Jarri zaitez gurekin harremanetan guneak.zabaltzen@gmail.con helbidera idatziz edo jarraian dagoen formularioa bete: